A ORGANIZACIÓN

QUEN SOMOS

OBXETIVOS

QUÉ OFRECEMOS

A XUNTA

Quen somos?

O 30 de novembro do ano 1989, constitúese a Asociación Galega de Técnicos de Laboratorio (AGTL) cuxo ámbito profesional limítase a Técnicos Especialistas en Análisis Clínicos e Técnicos Especialistas en Anatomía Patolóxica.

A Asociación Galega defendeu aos Técnicos Especialistas nas súas orixes, así como, aos Técnicos Superiores na actualidade, en todas as situacións onde se nos reclamou, como exemplo, a sentenza gañada sobre o Banco de Sangue do Hospital da Coruña, que obrigou á administración para crear as prazas necesarias no laboratorio de Banco de Sangue para os Técnicos Superiores, máis de 20 prazas.

A Asociación Galega estivo representando aos TSS Galegos tanto no ámbito autonómico como no estatal xunto con outras organizacións amigas de Técnicos Superiores, buscando sempre o desenvolvemento profesional pleno da nosa profesión, a publicación como categorías estatutarias de todas as especialidades de TSS, así como, a mellora formativa que os TSS necesitan para a equiparación aos nosos homólogos europeos, pero sobre todo, para poder exercer a nosa profesión coa calidade e profesionalidade que os nosos pacientes deben de recibir e nós estamos obrigados a prestar.

No ano 2019, por aprobación na Asamblea Xeral Extraordinaria do 10 de maio, consolídase o cambio que se estaba aplicando dende hai uns anos e modifícase a denominación da AGTL pola de Asociación de Técnicos Superiores Sanitarios de Galicia ( Atessga), ampliando o ámbito profesional estatutario a todas as especialidades de grao superior sanitario recollidas na Lei de Ordenación das Profesións Sanitarias:

Técnico Superior en Anatomía Patolóxica e Citodiagnóstico.
Técnico Superior en Audioloxía Protésica.
Técnico Superior en Dietética.
Técnico Superior en Documentación e administración Sanitarias.
Técnico Superior en Imaxe para o Diagnóstico e Medicina Nuclear.
Técnico Superior en Laboratorio Clínico e Biomédico.
Técnico Superior en Ortoprótesis e Produtos de Apoio.
Técnico Superior en Saúde Ambiental.
Técnico Superior en Radioterapia e Dosimetría.

Atessga é unha asociación cuxo ámbito territorial é a Comunidade Autónoma de Galicia e ten por finalidade a defensa dos intereses profesionais, formativos e científico-técnicos dos Técnicos Superiores Sanitarios.

Atessga somos o que somos grazas ás achegas dos nosos socios e socias, e por suposto ao noso traballo, non dependemos economicamente de ningún organismo ou entidade pública ou privada, isto permítenos actuar con total independencia e autonomía na defensa do colectivo de Técnicos Superiores Sanitarios.

Atessga é unha asociación profesional sen ánimo de lucro.

Obxetivos

A representación, defensa e promoción dos intereses económicos, sociais, profesionais e culturais dos seus asociados.
Fomentar e defender os intereses dos TSS, tanto individual como colectivamente.
Equiparación e homologación da formación dos Técnicos Superiores aos nosos homólogos europeos (titulación de Grao).
Regularización da figura do coordinador técnico de Xestión.
Elevar o nivel científico-técnico e profesional mediante programas de formación.
Fomentar a difusión e intercambio de coñecemento mediante a realización de xornadas profesionais ou científicas.
Colaboración e Cooperación con Organizacións homólogas.
Creación do Colexio Profesional no ámbito da Comunidade Autónoma de Galicia.

Qué ofrece Atessga?

Para a túa seguridade no traballo

Seguro de responsabilidade civil (coa aseguradora A.M.A.)
Protección xurídica.
Asesoramento Fiscal, Laboral e Xurídico (Coa Asesoría FH Asesores)

Para estar informado

Información Instantánea vía SMS e correo electrónico (bolsas de emprego, convocatorias de oposicións e concursos de traslado).
Boletíns informativos.
Revista profesional/científica semestral.

Para estar formado

Actividades formativas ( online, a distancia e presenciais).
Plataforma de formación propia (atessga.classonlive.com).
Convenios de colaboración con entidades formativas de primeira orde.

Para crecer profesionalmente

Xornadas (científicas e profesionais) con periodicidade bianual.
Simposios por Especialidade.
Congresos Nacionais.

Xunta directiva

A Xunta Directiva rexe, administra e representa á asociación, executando e dando cumprimento aos acordos da Asemblea Xeral. Desenvolve as actuacións económicas, administrativas, xudiciais e todas aquelas que considere necesarias para a consecución dos fins e obxectivos da asociación, respondendo da súa xestión ante a Asemblea Xeral.

A actual Xunta Directiva foi elixida por acordo da Asemblea Xeral de Socios do día 21 de mayo de 2021, e está composta por un equipo que mestura a experiencia coa mocidade, buscando unha renovación e actualización total da asociación, sendo unha garantía, tanto no desenvolvemento da nosa profesión, como na representación e o asesoramento eficaz para os Técnicos Superiores Sanitarios.